Бу дьыл атырдьах ыйын 19 күнүгэр үтүөкэннээх Айыы Киһитэ - Саха норуотугар АЙЫЫ ҮӨРЭҔИН төрүттэспит, Саха дьиҥ Философиятын тарҕатыспыт, биллиилээх суруналыыс, СӨ култууратын үтүөлээх үлэһитэ Анатолий Николаевич ПАВЛОВ-ДАБЫЛ бу Ийэ Сириттэн үрдүк хаттыгастарга барда. БУОР Кута Ийэ Сирин кытта силбэһэн, сылаастык сынньаннын! САЛГЫН Кута төрөөбүт Сахатын норуотугар, оҕолоругар, ыччаттарыгар Сырдык ТЫЫН кэриэһэ, дьиҥ Сахатын түҥ былыргы өбүгэлэрин Бии-Билиитин тарҕатыспыта дириҥ өйдөбүл, Билии буолан иҥтин! Сырдык сыдьаай аата ҮТҮӨ ӨЙДӨБҮЛ буолан Саха норуотун дьылҕатыгар хааллын! ИЙЭ Кута Сырдыгынан, Үтүө Тапталынан сыдьаайан, ҮРДҮК Хаттыгастарга тиийдин! ДОМММ!!! Анатолий Николаевич Павловы-Дабылы атаарыы атырдьах ыйын 22 күнүгэр крематорий саалатыгар 11 чаастан, Маганныыр аартык, 3-с км, 7 дьиэтигэр буолуоҕа (Маганский тракт, 3-й километр, дом 7). Крематорийга оптуобус сарсыарда 10 чаастан Бэчээт дьиэтиттэн дьону илдьиэҕэ. Быраһаайдаһааччылар венок аҕалбаттар, кыаллар буоллаҕына, тыыннаах сибэккилээх кэллиннэр диэн көрдөһөллөр. Атаарыы остуола - Бырабыыталыстыба 2-с №-дээх дьиэтин остулубуойугар, күнүс 15 чаастан саҕаланыаҕа. Тэрийэр хамыыһыйа. Учууталбыт, ытык киһибит сырдык кэриэһигэр кутурҕаммытын биллэрэн туран, көмүс уҥуоҕүн көтөҕөргө күүс-көмө буолуоҕуҥ! Ким төһө кыахтааҕынан кэргэнигэр Павлова Маргарита Никифоровнаҕа Сбербааҥҥа көмөҕүтүн ыытыҥ: 8-914-106-65-99 (Сбербаан, Павлова Маргарита Никифоровна) Анатолий Павлов-Дабыл: оҕоҕо санаа төрдүн олордуу туһунан үөрэҕин видеота: https://vkvideo.ru/video-214619024_456239032?t=44s